Lunglei RD Block a thawklai Pu PC Pachhunga (IV-Grade) chu Dt.31.8.2023 khan Superannuation Pension in a chhuak a. A mah thlahna hun hman a ni.

    Pu PC Pachhunga hi kum 1982 September thla ah Lunglei District a DRDA (tuna DRDO nita) alo din tan khan a bul tan tu te zing a mi (Staff hmasa ber) niin a lut a. Kum 2013 November thla ah Lungsen RD Block ah sawn a ni a. Hun engemaw chen Lungsena a awm hnuah Lunglei RD Block ah a Pension thleng a thawk ta a ni.

    Pu PC Pachhunga hi mifel leh taima tak mai, mahni hna a rinawm tlat mi a ni a. Office a athawh chhung hian Office tlai ngailo, Office ban hma a haw ngailo, hna laklawh avanga Office ban hnu a hnathawk an awm chhung zawng pawha midang tana awm reng thin a ni a, nitin in Office bul tan tu leh a tawp khar tu ni zel mi a ni. A pension ni Dt.31.8.2023 ni thleng pawh in a hna hi rinawm leh fel takin a thawk a ni.

    Office Staff zawng zawngin kan mi rin leh Office tana mi tangkai, Office hmangaih em em tu, mahni ta ang maia Office enkawl tha, engkim awmna hi a hre vek emaw tih mai tur khawpa office bungrua te pawh hrechiang a ni. Staff ten kan tangkai pui em em, Office staff zinga fel ber a Office Staff ten kan thlan fo thin a ni bawk. Kan ui in kan ngai dawn hle.

    Pathian kaihhruaina a sawrkar huntiam chhung a rinawm leh taima taka a thawh hun chhung alo tawp ta hi kan lawmpui em em a, a kal leh zel naah Pathian awmpuina changa hlim taka awm zui zel turin duhsakna sang ber kan hlan e.