MzSRLM Lunglei hi kum 2019 October thla khan Lunglei RD Block hnuaiah din a ni a, Mizoram hmun danga MzSRLM ang bawkin hnathawkte hi thematic hrang hrangah then an ni a. Heng thematic hrang hranga then darh te hi Block Mission Manager (BMM) hnuaiah awmin BMM hian a khaikhawm a ni. MzSRLM hnathawh ber chu thigtlang khaw hrang hranga retheihna um bo tura Self Help Group hmanga thingtlang nu ho tanpui hi a ni. Tanpui dan hi kawng hrang hrang a awm a, an eizawnna puihna tur atana loan puk tir te, lehkhabu vawn that leh account bu vawnte, an eizawnna thlan tura finchhuah te leh hmasawn an ngaihna hrang hranga tanpui te a ni.
MzSRLM hnuaia thematic hrang hrangte chu:
Institution Building and Capacity Building: Hemi hnuai ah hian Cluster Coordinator – CC-te hian Self Help Group leh Village Organisation kalphung leh pawl anga an hmsawnna tur a buaipui a. Self help Group tha taka chherchhuak tura hmalak chu an hna pui ber a ni.
Livelihoods(farm and Non-Farm) : Livelihood Coordinator-te hi pahnihah then darh leh anni a, Farm leh Non-Farm-ah te thenhran leh an ni. Livelihood Farm hian Self Help Group hnuaia nu ho eizawnna, ran vulh leh thlai chin lampang an buaipui ber a. An thiamna te hmang tangkaiin an eizawnna kawngah an pui a ni. Non-Farm hian Enterprise lam an buaipui thung a, Self Help Group hnuaia nu ho eizawnna kawngah an pui a, sumdawnna kawng hrang hrang kawhhmuhin an pui thin a ni.
Financial Inclusion: Financial Inclusion Coordinator FIC te hian Self Help Group hnuaia nu ho Bank nen a inthlunzawmna kawngah an pui a, Bank loan leh Social Security schemes hrang hrang nei turin hma an lakpui i thin a ni.
Heng thematic hrang hrang in hma an lakna te hi Data Entry Operator(DEO) hian MzSRLM website-a dahluh leh record chu an hna bul ber a ni a. SHG member te leh thil dang pawimawh zawng zawng chu website-ah an dahlut thin a ni.
A chunga kan sawi zawng zawng hi Block Mission Manager hian a khaikhawm vek a, BMM hona hnuaiah hian heng thematic hrang hrangte hian theihtawp chhuahin hna an thawk thin a ni.
